Beda Venerabilis, De Temporibus, 22

monumenta.ch > Lucanus > sectio 603 > sectio 250 > 9 > sectio 687 > sectio 579 > bnfNAL1615.98 > 10 > sectio 9 > XI. DE NATVRA MARIS MORTVI. > sectio 147 > sectio 734 > sectio 233 > bmv343.231 > sectio 128 > bnf10314.132 > sectio 55 > sectio 590 > sectio 360 > sectio 527 > sectio 262 > 8 > bnf10315.17 > sectio 546 > uldLIP7.248 > sectio 54 > sectio 223 > sectio 225 > 15 > sectio 593 > 15 > 2 > sectio 295 > habCod.Guelf.41.1Aug.2°.36 > bnf8041.33 > sectio 582 > habCod.Guelf.41.1Aug.2°.32 > bnf6795.140 > uldLIP7.238 > csg864.152 > bavPal.lat.1684.14 > 22
Beda, De Temporibus, XXI. De quinta Aetate. <<<

Beda Venerabilis, De Temporibus, CAPUT XXII. De sexta Aetate.

1	Sexta aetas continet annos praeteritos DCCVIII. Octavianus annis LVI. Huius anno XLII Dominus nacitur, completis ab Adam annis MMMDCCCCLII. Iuxta alios MMMMMCXCIX. Tiberius annis XXIII. Huius anno XVIII Dominus crucifigitur. Caius annis quatuor. Matthaeus [B, Evangelista.] Evangelium scribit. Claudius annis [C, XIV.] tredecim. Petrus Romam, Marcus Alexandriam petit. Nero annis quatuordecim. Petrus et Paulus cruci gladioque traduntur.
2	Vespasianus annis X. Huius secundo anno [C, Titus Hierosolyma subvertit.] Hierosolyma subvertitur. Titus annis II. Hic facundus et pius fuit. Domitianus annis XVI. Ioannes in Patmon relegatur. Nerva anno I. Ioannes apostolus Ephesum rediens Evangelium scripsit. Traianus annis [Ms. Lond., XIV] XIX. Simon Hierosolymorum episcopus crucifigitur, et requiescit Ioannes [Pro Ephesi, C ponit Apostolus.] Ephesi. Hadrianus annis XXI. Aquila interpres habetur.
3	Antoninus Pius annis XXII mensibus [C, III.] quatuor. Valentinus et Marcion agnoscuntur. [C, Antonius.] Antoninus minor annis XIX. Cataphrygarum haeresis exoritur. Commodus annis tribus. Theodotion interpres habetur. [C, Antheselius anno I. Pertinax] Aelius Pertinax anno I. Severus Pertinax annis [C, octo.] octodecim. Symmachus interpres habetur. Antonius Caracalla annis VII. Quinta editio Hierosolymis invenitur. Marcianus anno I. Aurelius [C, Antoninus.] Antonius annis quatuor. Sexta editio Nicapoli reperitur. Alexander annis tredecim.
4	Origenes Alexandriae claruit. [C, Maximus XVI.] Maximinus annis tribus. Hic persequitur Christianos. Gordianus annis septem. Fabianus episcopus Romae celebratur. Philippus annis septem. Hic primus Christianus imperator fuit. Decius anno uno. Antonius monachus claruit. Gallus et Volusianus annis II. Novatiana haeresis exoritur. Valerianus annis XV cum Gallieno.
5	Cyprianus martyrio coronatur. Claudius annis II. Paulus [Samosatenus.] Samosatae haeresim condidit. Aurelianus annis V, hic persequitur Christianos. Tacitus anno I. Probus annis [C, VI.] VII. Manichaeorum haeresis exorta est. Carus annis II. Iste de Persis triumphavit. Diocletianus et Maximianus annis XX. Iste persequitur Christianos. Maximinus Severusque annis [C, I.] II. Constantinus annis XXXI. Nicaena synodus congregatur. Constantius et Constans annis XXIV. Ossa Andreae et Lucae Constantinopolim transferuntur.
6	Iulianus annis II. Hic ex Christiano paganus persequitur Christianos. Iovianus anno I. Hic cum omni exercitu Christianus efficitur. Valentianus annis [Ms., Lond. et C, XI.] XIII, qui a Iuliano ob fidem Christi militia fuerat privatus. [Com. Valens a. III.] Valens annis III. Gratianus annis VI. Ambrosius et Martinus episcopi clarescunt.
7	Valentinianus cum Theodosio annis IX. Hieronymus in Bethleem praedicatur. Theodosius annis III cum Arcadio et Honorio. Anachorita Ioannes claruit. Arcadius annis XIII cum fratre Honorio. Ioannes Chrysostomus et Augustinus episcopi praedicantur. Honorius annis XV cum Theodosio minore. Cyrillus Alexandriae claruit. Theodosius minor annis [Com., XVI.] XXVI. Ephesina synodus Nestorium condemnat. Martianus annis VII. Chalcedonense concilium geritur. Leo maior annis XVII. Aegyptus errore Dioscori latrat. Zenon annis XVII. Corpus Barnabae apostoli reperitur.
8	Anastasius annis XXVI. Fulgentius episcopus praedicatur. Iustinus annis IX. Acephalorum haeresis abdicatur. Iustinianus annis [Ms. Lond., XXIX.] XXXIX. Huius [Note: C, anno I.] VI anno Dionysius paschales circulos inchoat. Iustinus minor annis XI. Armenii fidem Christi suscipiunt. Tiberius annis [C, IX.] VII. Herminigildus rex Gothorum martyrio coronatur. Mauritius annis XXI. Gregorius Romae floruit episcopus. Phocas annis VIII. Saxones in Britannia fidem Christi suscipiunt. Heraclius annis [Ms. Lond. et C, XXXVII.] XXVI. Iudaei in Hispania Christiani efficiuntur.
9	Heracleonus cum matre sua Martina annis II. Constantinus filius Heraclii mensibus VI. Constantinus filius Constantini annis XXVIII. Eclipsis solis facta est indictione septima, quinto Nonas Maias. Constantinus filius Constantini superioris annis XVII. Hic sextam synodum composuit. Iustinianus filius Constantini annis X. Africa restaurata est imperio Romanorum.
10	Leo annis III. Tiberius dehinc quintum egit annum. Reliquum sextae aetatis Deo soli patet.